‘عمرہ زائرین کی بڑی مشکل آسان ہوگئی ‘

بیرون ملک سے آئے عمرہ زائرین اپنے ’میڈیکل انشورنس‘ کی جانچ کیسے کریں؟، حکام نے طریقہ کار وضع کردیا۔

عاجل نیوز نے کونسل کی جانب سے جاری ہدایت نامے میں بتایا کہ بیرون مملکت سے آنے والے عمرہ زائرین کے لیے لازمی انشورنس اسکیم کی تصدیق کے لیے ’کونسل آف کوآپرییٹیوہیلتھ انشورنس‘ نے طریقہ واضح کردیا ہے۔

ہدایت نامے میں واضح طور پر کہا گیا ہے کہ بیرون ملک سے آنے والے عمرہ زائرین لازمی میڈیکل انشورنس پالیسی مقررہ اور منظورشدہ ایجینٹس سے ہی حاصل کریں تاکہ مملکت آنے کے بعد کسی قسم کی دشواری کا سامنا نہ کرنا پڑے۔

زائرین کےلیے عمرہ پالیسی کی آن لائن جانچ پڑتال ممکن ہے اس بارے میں کونسل نے طریقہ کار سے متعلق بتایا کہ انشورنس پالیسی حاصل کرنے والے کا حق ہے کہ وہ مملکت آنے سے قبل پالیسی کے بارے میں مکمل جانچ کرلیں۔

مروجہ طریقہ کار یہ ہے کہ انشورنس کمپنی کا کونسل میں رجسٹر ہونا لازمی ہوں، ایسی کمپنیاں جو منظورشدہ نہ ہوں ان سے بیمہ پالیسی نہ خریدی جائے۔

عاجل نیوز کے مطابق انشورنس کی جانچ پڑتال کے لئے چار انتہائی آسان مراحل رکھے گئے ہیں جن پر عمل کرتے ہوئے بیرون مملکت سے آنے والے زائرین اپنی طبی بیمہ پالیسی کے بارے میں تفصیلی جانچ کرسکتے ہیں۔

واضح رہے سعودی عرب وزٹ ویزے پرآنے والوں کو بھی میڈیکل انشورنس کرانا لازمی ہے، میڈیکل انشورنس کرائے بغیر وزٹ ویزے کی مدت میں بھی توسیع نہیں کرائی جاسکتی۔

اس خبر پر اپنی رائے کا اظہار کریں